Liga e Kombeve: Shqipëria synon fitoren e dytë radhazi, zbardhen formacionet zyrtare për sfidën me San Marinon
Janë publikuar formacionet zyrtare për përballjen mes San Marinos dhe Shqipërisë, një ndeshje e rëndësishme në kuadër të Ligës së Kombeve. Kombëtarja shqiptare zbret sonte në fushë me një objektiv të qartë: të marrë fitoren e dytë radhazi në këtë kompeticion.
Kuqezinjtë shpresojnë të ruajnë edhe formën pozitive në transfertë, teksa kanë treguar një ecuri mbresëlënëse me tre fitore në katër ndeshjet e fundit jashtë fushe, të gjitha me rezultatin minimal 1-0. Kjo dëshmon një soliditet në mbrojtje dhe efikasitet në shfrytëzimin e rasteve.
Në krahun tjetër, San Marino vjen në këtë përballje pas një humbjeje të thellë 7-0 ndaj Finlandës, duke e bërë Shqipërinë favorite të padiskutueshme për të marrë tre pikët.
Formacionet Zyrtare:
SAN MARINO: Colombo, Benvenuti, Rossi, Cevoli, Giocondi, G. Capicchioni, Mularoni, L. Capicchioni, Lazzari, Pancotti, Nanni.
SHQIPËRIA: Sherri, Sina, Gjimshiti, Ismajli, Mitaj, Shehu, Asllani, Uzuni, Mehmeti, Muçi, Manaj.