Aksident në Autostradën Vlorë-Fier: Automjeti godet motorin, plagoset lehtë drejtuesi
Një aksident rrugor është regjistruar këtë pasdite në autostradën Vlorë-Fier, pranë nënkalimit të Panajasë. Si pasojë e përplasjes mes një automjeti dhe një motori, drejtuesi i mjetit motorik ka pësuar dëmtime të lehta.
Sipas informacioneve paraprake të policisë, dyshohet se ngjarja ka ndodhur si rezultat i një manovre të gabuar. Raportohet se ndërsa motorët e tjerë kishin marrë daljen e caktuar, drejtuesi i motorit të përfshirë në aksident është futur në autostradë në momentet e fundit.
Kjo ka bërë që një automjet tip “Audi Q5” ta godiste motorin nga pas, duke shkaktuar plagosjen e lehtë të drejtuesit të tij.
Efektivët e policisë kanë mbërritur menjëherë në vendngjarje dhe po vijojnë punën për zbardhjen e plotë të rrethanave dhe shkaqeve që çuan në këtë aksident.