Përshkallëzohet protesta në Tiranë: Molotovë dhe plumba gome para Ministrisë së Brendshme
Një situatë e tensionuar dhe përplasje të forta janë regjistruar pranë Ministrisë së Brendshme në Tiranë, ku një protestë është përshkallëzuar në dhunë, duke përfshirë policinë dhe të rinjtë.
Gjatë zhvillimit të ngjarjeve, protestuesit kanë hedhur molotovë në drejtim të godinës së Ministrisë, si dhe gurë e kapsolla. Në përgjigje, efektivët e policisë, të pozicionuar në tarracën e institucionit, kanë përdorur gaz lotsjellës dhe plumba gome kundër turmave.
Tensionet vazhdojnë të mbeten të larta në zonën e bulevardit ku po zhvillohen përplasjet, me shpërthime të kapsollave që vijojnë të dëgjohen. Si pasojë e dhunës, një pemë aty pranë ka marrë flakë.