Albert Sylaj, i Dyshuari për Vrasjen e Arlinda Zekajt në Pejë, Kapet nga Policia
Policia e Kosovës ka vënë në pranga Albert Sylajn, personin e dyshuar për vrasjen e Arlinda Zekajt, ngjarje e rëndë e ndodhur më 25 tetor në fshatin Vitomiricë të Pejës.
Arrestimi i Sylajt u realizua në Deçan, rreth orës 23:40, pas disa ditësh kërkimesh dhe hetimesh intensive për kapjen e tij nga autoritetet.
Albert Sylaj dyshohet se ka vrarë me sëpatë ish-kunatën e tij, Arlinda Zekajn. Pas ngjarjes, i dyshuari ishte shpallur në kërkim nga Policia e Kosovës.
Sipas njoftimit të Policisë së Kosovës, lokalizimi dhe arrestimi i të dyshuarit erdhi si rezultat i angazhimeve të thella operative dhe hetimore, si dhe bashkëpunimit me qytetarët. Veprimet u ndërmorën nga njësitet përkatëse, pas veprimeve operative të ndërmarra për kapjen e tij.