Tubim para Ministrisë së Arsimit, prani e shtuar policore dhe autobote uji në gatishmëri
Një numër i konsiderueshëm protestuesish janë mbledhur para godinës së Ministrisë së Arsimit. Në vendngjarje është vënë re një prani e shtuar e forcave të rendit dhe efektivëve të policisë, të cilët po monitorojnë situatën me kujdes për të garantuar mbarëvajtjen e tubimit dhe sigurinë publike.
Megjithëse situata deri më tani raportohet si e qetë, autoritetet kanë ndërmarrë masa paraprake. Në vendngjarje janë pozicionuar edhe autobote të forcave të ndërhyrjes së shpejtë, të cilat qëndrojnë në gatishmëri për çdo skenar të mundshëm në rast tensionimi të situatës.
Ndërkohë, protestuesit po u bëjnë thirrje qytetarëve që t’u bashkohen. “Bashkohuni me ne”, dëgjohen ata duke thirrur njëzëri.