Përplasje në Euronews: Sulo pyet për pedagogët e PD-së në protestë, Klosi i përgjigjet me 850 mijë vota të PS-së
Në emisionin “Now” me Erla Mëhillin në Euronews Albania, gazetari dhe analisti Arion Sulo dhe Sekretari i Përgjithshëm i Partisë Socialiste, Blendi Klosi, zhvilluan një debat të fortë mbi protestën e zhvilluar. Sulo theksoi se studentët dhe pedagogët po kërkojnë largimin e kryeministrit Edi Rama, ndërsa Klosi kundërshtoi, duke pretenduar se përfaqësues të Partisë Demokratike u shfaqën në protestë për të përfituar hapësirë, duke shtuar se ata ishin “të humbur”.
Gjatë diskutimit, Sulo pyeti Klosin nëse ai kishte ndonjë problem me faktin që Partia Demokratike mund të kishte 1000 pedagogë në protestë, duke vënë në dukje se në shesh ishin 3-4 mijë pjesëmarrës, përfshirë studentë, pedagogë dhe prindër. Klosi, nga ana e tij, mohoi që PD-ja të kishte 1000 pedagogë, duke theksuar se “nuk e mendoj kurrë që i ka 1000 pedagog PD-ja. Do të ishte shumë mirë në qoftë se i kishte, po nuk i ka.”
Sulo vijoi duke argumentuar se pavarësisht përkatësive politike, qofshin të PD-së apo të “të gjelbërve,” këta ishin pedagogë që dëshironin rrëzimin e Ramës. Ai po ashtu i referoi deklaratave të kryeministrit për protestuesit, duke pyetur Klosin për qëndrimin e tij ndaj pedagogëve. Në përgjigje, Klosi përmendi numrin e votave të Partisë Socialiste, duke thënë se “PS ka 850 mijë vota,” dhe shtoi se protestuesit janë në të drejtën e tyre për të protestuar, duke qenë “në mbrojtje të rritur.”