Incident i rëndë në Dukagjin: Dyshohet për dy viktima nga të shtëna me armë zjarri në fshatin Kir
Fshati Kir në zonën e Dukagjinit është bërë skenë e një ngjarjeje të rëndë pasditen e kësaj të diele, ku raportohet për të shtëna me armë zjarri. Sipas informacioneve paraprake, dyshohet se nga ky incident kanë humbur jetën dy persona.
Menjëherë pas denoncimit, forca të shumta policie janë nisur drejt vendit të ngjarjes për të kryer hetimet e para. Aktualisht, detajet rreth rrethanave dhe shkaqeve që çuan në këtë akt të dhunshëm mbeten ende të paqarta.
Policia ka bërë të ditur se do të japë një deklaratë zyrtare dhe informacion më të detajuar për publikun në vijim, sapo të ketë mbledhur të dhëna të plota nga terreni.