Trump paralajmëron Iranin: Frenoni Hezbollahun ose përballeni me goditje më të ashpra
Presidenti i Shteteve të Bashkuara, Donald Trump, ka lëshuar një paralajmërim të qartë drejt Iranit, duke theksuar se Republika Islamike mund të përballet me ndërhyrje ushtarake edhe më të fuqishme nga SHBA-ja nëse nuk ndërhyn për të frenuar veprimtarinë e aleatëve të saj në Liban.
Në qendër të këtij paralajmërimi qëndron Hezbollahu, grupi paramilitar i mbështetur nga Teherani, i cili prej disa muajsh ka intensifikuar shkëmbimet e zjarrit me Izraelin përgjatë kufirit të tij verior.
“Irani duhet t’i ndalojë menjëherë përfaqësuesit e tyre të paguar shumë në Liban që të shkaktojnë probleme”, theksoi Trump në deklaratën e tij.
Presidenti amerikan theksoi se nëse autoritetet në Teheran nuk ndërhyjnë për të frenuar veprimet e Hezbollahut, Shtetet e Bashkuara do të ndërmarrin veprime ushtarake të fuqishme.
“Nëse nuk e bëjnë këtë, ne do ta godasim Iranin shumë fort përsëri, ashtu siç bëmë javën e kaluar, vetëm më fort”, deklaroi Trump, duke e lidhur këtë kërcënim me operacionet e mëparshme amerikane dhe duke sinjalizuar një përgjigje potencialisht më të fortë.