Zjarr në një restorant në Librazhd, shkakton vetëm dëme materiale
Një restorant në qytetin e Librazhdit është përfshirë nga flakët mbrëmjen e sotme, duke shkaktuar vetëm dëme materiale dhe pa të lënduar.
Pas marrjes së njoftimit për incidentin, në vendngjarje kanë mbërritur menjëherë forcat zjarrfikëse. Falë ndërhyrjes së tyre në kohë, flakët u vunë shpejt nën kontroll dhe u shuan plotësisht, duke parandaluar kështu përhapjen e zjarrit në ambiente të tjera përreth.
Fatmirësisht, nga ky incident nuk raportohet për asnjë person të lënduar, ndërsa dëmet konsistojnë vetëm në aspektin material. Shkaqet që çuan në rënien e zjarrit mbeten ende të paqarta dhe janë në proces verifikimi.