Rama mbledh krerët e drejtësisë për ligjin e ri të pagave të magjistratëve
Kryeministri Edi Rama pritet të zhvillojë një takim të rëndësishëm me drejtuesit e institucioneve të drejtësisë në vend. Ky takim vjen menjëherë pas përmbylljes së vizitës zyrtare të kryeministrit në Shtetet e Bashkuara të Amerikës.
Në qendër të diskutimeve në këtë tryezë të përbashkët do të jetë ligji i ri mbi pagat e magjistratëve. Takimi është parashikuar të mbahet ditën e hënë, më 28 shtator, në orën 12:30, në ambientet e Kryeministrisë.
Lajmi është konfirmuar nga gazetarja e Euronews Albania, Eksiola Shehu, e cila ka bërë të ditur se ftesat për këtë tryezë diskutimi u janë dërguar tashmë institucioneve përkatëse të sistemit të drejtësisë.